Pagkagising ko kaninang umaga, hawak ko pa rin ang handout ko sa Spermatogenesis at Oogenesis ng Zoo30. Nagising ako sa tunog ng aking selepono, toot-toot, toot-toot. 2 Messages received daw…yung isa galing kay Maan, yung kadarating lang, galing sa blockhead naming si Tina. Iisa lang naman ang dahilan kung bakit magtetext sa akin si Tina ng umagang-umaga, 7am nun…sasabihin niyang walang pasok. Hanggang binasa ko ang text niya:

UP Manila suspends classes and offices. CVTomas Pls Pas thanks

At para bang sa commercial ng Nescafe, sinigaw ko sa buong unit namin…”Walang Pasoooook!” nang buong loob. Panandalian kong inisip na uminom ng kape, gaya ng sa commercial, pero naisip ko mas ok atang matulog na lang. Kaya pagkatpos kong maipasa sa susunod na mga tao sa aming text-pass system, at matapos sagutin ang text ni Maan (na nagtatanong kung gising na ba ako)…natulog na lang uli ako.

Yes! Hindi natuloy ang quiz namin sa Zoo lab! Mwahahaha!!!